Plaentxi Herri Eskolaren irisgarritasuna hobetzeko hasi diren obrak direla-eta, prentsa oharra helarazi du Soraluzeko Euzko Alderdi Jeltzaleak. Batetik, gogora ekarri du proiektu hori “aurreko agintaldian, ikastetxeko zuzendaritzarekin eta Eusko Jaurlaritzarekin elkarlanean adostutakoa" dela. Bestetik, proiektua lortzeko “egindako lanketa” ere azpimarratu du. Horrekin batera, gogora ekarri du “aurreko agintaldian” landutako bestelako lau proiektu esanguratsu ere gauzatuko direla datozen hilabeteotan, Gabolatseko zubi berria kasu.

Atzo, urriak 1, Adineko Pertsonen Nazioarteko Eguna izan zen. Eguna gogorarazteaz bat, adinekoen eskubideak aldarrikatu zituzten asteleheneko elkarretaratzean, salatuz, “Euskal Herriko adinekoen kolektiboaren errealitatea oso urrun dagoela Foru Aldundien eta Jaurlaritzaren diskurtso autosufizienteetatik”.