Gaur, astelehena, ez da pentsio publiko duinen aldeko elkarretaratzerik egingo, udaberriko oporren ostera arte, atseden hartu baitute. Hori bai, mobilizazio bikoitza eginda hartu dute atsedenaldia, Soraluzen ez ezik, Eibarren ere izan baitziren joan den asteko manifestazioan. Bestalde, esan zuten Herri Ekimen Legegilearen alde 110.000 sinadura baino gehiago lortu direla dagoeneko, baina sinadurak batzen segituko dutela, baita Soraluzen ere, eta maiatzaren 15ean aurkeztuko dituztela Legebiltzarrean.

Gaur, eguena, Eusko Jaurlaritzako Ingurumen sailburuorde Josu Bilbao, URA Agentziako zuzendari nagusi Asier Lopez eta Soraluzeko alkate Unai Larreategi Gabolatseko zubi berriko obretan izan dira. Bertan eskainitako prentsaurrekoan, hirurek nabarmendu dute obraren garrantzia, bai inbertsio aldetik -1,8 milioi euro- eta baita helburuarengatik, uholdeak saihestea. Sailburordeak esan duenez, irailerako erabilgarri izango da Gabolatseko zubia.