Soraluze Futbol Taldeak asteburuan dituen sei partiduetatik lau etxean jokatuko dituzte. Nagusiek zapatuan dute hitzordua, Eibarko Urki taldearen kontra, 12:00etan. Domekan, berriz, Infantil mailakoak izango dira zelairatzen goiztiarrenak; Aretxabaletaren kontra jokatuko dute. 12:00etan, berriz, Gorengo mailako kadeteen txanda izango da, Irungo Anaitasunaren kontra eta 16:30ean, Jubenil mailakoena, Tolosaren kontra. Lehen mailako kadeteek, berriz, Eibarren jokatuko dute Eibartarrak-en kontra, zapatuan, 12:00etan, Unben; eta, domekan, Infantil A-k Aretxabaletaren kontra, Ibarran.

Sorako Erregional Mailako taldeak berdindu egin zuen Ligako azken jardunaldiko partida. Mutrikuren kontra jokatu zuten haien etxean zapatuan eta oraingoan, zortea ez zuten aldeko izan. Batetik, mutrikuarren aldeko penaltia seinalatu zuen epaileak eta haiek sartu egin zuten gola, eta, bestetik, partiduaren amaiera aldera Sorak aukera garbiak sortu zituen arren, baloiak ez zuen mutrikuarren sarean sartzerik nahi izan. Asteburu honetan, etzi, barikua dute hitzordua, Elgoibarren.