Zapatuan, Sorako Erregional Mailako taldeak sailkapenean lider den Ikasberri izan zuen aurkari Ezoziko futbol zelaian. Bi taldeak hiru puntuak eskuratzeko gosez zelairatu ziren, baina azpeitiarrek sartu zuten norgehiagokako gol bakarra. Sora behin eta berriro ahalegindu zen emaitza horri buelta ematen, baita luzapeneko azken minutura arte ere, baina oraingoan, ezin izan da izan. Edozelan ere, Sora hirugarren doa sailkapenean, orain arte jokatutako 11 partiduetatik sei irabazita eta hiru berdinduta.

Bihar estreinatuko da www.matx.eus sare sozialean, Matx podcastaren seigarren kapitulua. Lide Erbina errugbi jokalari ordiziarra izango da denboraldiko azken saioko gonbidatua.