Gaur hasi eta barikura bitartean, grebara daude deituta Osakidetzako medikuak, eta, horrek eragina dauka inguruko osasun zerbitzuetan. Debabarreneko ESIari dagokionez, gutxieneko zerbitzuekin lan egingo dute Elgoibarko, Eibarko -eta Torrekuako-, Ermuako eta Debako anbulatorioetan. Hori horrela, Soraluzeko osasun zentroan norbere medikua greba egiten ari bada, Elgoibarko anbulatoriora jo beharko dute soraluzetarrek, larrialdi kasuetan Mendarora. Medikuek egunean bertan erabaki dezakete greba egin ala ez. 

Azaroan, datu txarrak eman ditu langabeziak, 2025eko txarrenak. 227 langabe kontabilizatu dituzte eta horrek ia %13ra arte igo-arazi du tasa. Eskualdeko daturik txarrena da Soraluzekoa. Debabarrenari begiratuta, berriz, Soraluzen ez ezik, beste bi udalerritan ere egin du gora langabeziak, Mutrikun eta Mendaron, eta, behera, berriz, Eibarren, Deban eta Elgoibarren.