Bihar, barikua, 10:00etan zabalduko dute Lokal Friday herriko merkatarien azoka. Plaza Zaharreko karpa musikaz girotu eta moda, estetika, dekorazio eta elikadura produktuak, jostailuak, oparitarakoak eta bestelakoak izango dira eskuragai; gainera, beherapen bereziak iragarri dituzte dendariek. 20:00ak bitartean izango da azoka zabalik, eguerdian etenik egin gabe. Azokarekin batera, bihar egingo dute, baita ere, 100 euroko lau bonuen zozketa.

Atzo, astelehena, pentsioen aldeko elkarretaratzean, gaurko egunari begira jarri eta adineko emakumeen aurkako indarkeria matxista izan zuten hizpideetako bat. Gogora ekarri zuten indarkeria mota hori rol tradizionalekin lotuta dagoela, adibidez, “emazte eta ama izateak dakartzan menpekotasun ekonomiko eta emozionala, osasun arazoak edo zaintza betebeharrak”. Horrekin lotuta, gaur egingo den elkarretaratzean parte hartzeko deia egin zuten.