Urrian, Soraluzeko langabezia pasa da irailean kontabilizatutako 12,64ko tasatik %12,41eko tasara. Langabe kopuruari begiratuta, 221 langabe izatetik 217 izatera pasa da. Gainera, ekainetik ari zen langabe kopurua etengabe igotzen eta urriko datuak apurtu egin du goranzko joera hori, gutxi izan arren.
Debabarrenari begiratua eginez, berriz, Soraluzez aparte, Eibarren eta Mutrikun egin du bakarrik behera langabeziak, beste udalerrietan, Deban, Elgoibarren eta Mendaron gora egin baitu eta horren ondorioz, Debabarrenko tasa ere handitu egin da.
Soraluzen jaitsi eta besteetan gora egin duen arren, Debabarrenari begiratuta, eskualdeko tasarik handiena izaten segitzen du Soraluzekoak.
Hona hemen datuak herriz herri:
- Deba 154 %5,84
- Eibar 1.505 %12,01
- Elgoibar 534 %10,01
- Mendaro 88 %8,91
- Mutriku 180 %6,85
- Soraluze 217 %12,41
- Debabarrena 2.678. %10,35