Atzo, zapatua, gozatu ederra hartu zuen ume eta gazte mordoak Erregetxeko ur-parkean zein frontoiko puzgarrietan. Eguraldia lagun, ez zen aitzakiarik izan txirristetara igo eta uretan  murgiltzeko; frontoian, berriz, bola, zezen eta baloidun puzgarrietan erakutsi zituzten abileziak gazteek. Kalejira eta karaokea ekarri zituen, berriz, Txopo txarangak eta eguna borobiltzeko, apar festak zuritu egin zuen Erregetxea.

Atzo, barikua, jai handia egin zuten eskolan eta kalean. 2024-2025 ikasturtea agurtzeaz batera, LHko 6. mailako ikaskideak agurtu zituzten Institutura joan aurretik eta berdin egin zuten DBHko 4. mailakoekin ere. Dantzak, jolasak, musika eta jan-edana partekatu zituzten ikasleek, gurasoek eta oro har, herritarrek.