Jeltzaleek Udalari eskatu diote jardun dezala aparkalekuak askatzeko eta udal ordenantza betetzen dela bermatzeko.

Diputazioak 113 lanpostu publiko betetzeko egin duen deialdia dela-eta, kezka partekatu dute Eibarko parkeko suhiltzaileek. Diotenez, lanpostuen %34an euskara-eskakizunaren nahitaezko izaera atzeratzea erabaki du Gipuzkoako Foru Aldundiak. Suhiltzaileen zerbitzuaren kasuan, “eskaintzera doazen 68 lanpostuetatik 23k derrigorrezko euskara-eskakizunik ez duela izango esan nahi du”. Kontuan hartuta “Gipuzkoako suhiltzaile zerbitzua Euskal Herrian bere irrati komunikazioetan euskara hutsean lan egiten duen zerbitzu bakarra” dela, uste dute erabakia “atzerapausoa” dela eta Diputazioari eskatu diote hausnarketa egin dezala eta plaza guztiek derrigorrezko euskara-eskakizuna izan dezatela”.