EAJ-PNV alderdiak azaroan eman zuen aurrekontuari egindako ekarpenen berri. Labur esanda, “esparru estrategikoak” hartzen dituzten proposamenak egin dituztela azpimarratu zuten, sailka banatuta. Ekarpenak HEMEN irakurgai.
PSE-EE alderdiari dagokionez, berriz, “proposamen multzo bat” aurkeztu dizkio aurrekontu proiektuari,” Patricia Borinaga bozeramailearen esanetan, gizarte ongizatea hobetzeko, zerbitzu publikoak indartzeko eta herritarren bizikidetza bultzatzeko”.
Ekimen zehatzetara joz, eskatu dute udal azterketa egitea “bizitzaren etapa guztietan nahi ez den bakardadeari buruz”, bakardade-egoerak identifikatzeko, eta, osasun mentala, fisikoa eta gizarte-ongizatea hobetuko dituzten politika eraginkorrak diseinatzeko.
Eskatu dute Zaraten Mapa bat egitea, zarata kudeatzeko, ez-betetzeak detektatzeko eta kutsadura akustikoa murrizteko oinarrizko tresna izan dadin, herritar guztien atsedena bermatzeko.
Garbiketaren alorrean, berriz, “bide publikoko fatxadetan pintadak garbitzeko doako programa” abiarazteko eskatzen dute; “ingurumenaren zaintzaren aldeko apustuaren” baitan, mugikortasun elektrikoa bultzatzeko, “ibilgailu elektrikoak eta hibridoak kargatzeko puntuak” eskatu ditu; eta bestelakoen artean, haur parkeetan eremu estalien plangintza egitea, antzerkiaren, argazkigintzaren, arte plastikoen eta musikaren arloko proiektuak laguntzeko “udalerriko artista gazteentzat laguntza-lerroa sortzea”. Patinete elektrikoen erabilera arautzeko ordenantza eta Sagar Erreka eta Zeleta auzoak hobetzeko jarduerak.
