Atzo, zapatua, erabateko arrakasta izan zuen Gabon ispilu emankizunak parrokian. Ezoziko Ama Abesbatzak eta Bergarako Orfeoiak elkarrekin interpretatu zituzten munduko hainbat lekutako Gabon kantak, eta, ikus-entzuleek txalo zaparradekin, txistuekin eta amaieran zutik jarrita erakutsi zieten gustura baino gusturago egon zirela eskainitako kontzertuan. Bideoan, kontzertuko azken bi piezak.

Gaur, domeka, herriko artisauek Gabonetako azoka ipiniko dute Plaza Zaharreko karpan. Izango dira bitxiak, apaingarriak, jantziak, poltsak, Egotzako gazta… bertan diren Gabonetarako opariak erosteko aukera aparta. 11:00etarako gertu izango dira postuak, 14:00ak arte.