Domekan, modu ikusgarrian taularatu zituzten swing doinuak Plaza Barrixan. Musikari finak izan ziren batetik eta haien ikuskizuna janzten, Gasteizko Paso Triple swing eskolako dantzari-irakasleak bestetik.
Instrumentu bereziak ere bai
Iturriko plataforman izan ziren musikariak, zein baino zein iaioago instrumentu ezagun eta ez horren ezagunak interpretatzen. Deigarria izan zen, esaterako, Jokin Vitoria perkusio-joleak maisuki erabili zuen asanboard instrumentua edo Iñigo Zubizarretak atzaparrak abiada bizian mugituz jo zuen manux gitarra. Hori guztia borobiltzen, musikan eskarmentu luzea duten profesionalak izan ziren.
Plazaren erdian, berriz, Carla Gomez eta Marti Elias Gasteizko Paso Triple swing eskolatik etorritako dantzariak izan ziren. 1920ko hamarkada inguruko jantziekin dotoretuta interpretatu zituzten lindy-hop, Balboa, jazz eta klake estiloko dantzak interpretatu zituzten.
Musikariak eta dantzariak ez dira talde berekoak eta lehen aldiz jardun zuten elkarrekin Plaza Barrixan. Esan zutenez, asko gustatu zitzaien Soraluzeko plaza.