Ikusgarria eta harrigarria da ikustea makalak hazia zelan botatzen duen ikustea. Inguru guztia zuriztatzen du, elurra bailitzan. Izan ere, makalaren hazia kotoi zuri moduko batekin inguratuta egoten da, udaberrian hazia hegaldatu dadin, beste nonbait ereiteko. Frantziska Iraolagoitiak ederto grabatu zuen hori maiatzaren 18an Elorregi auzoan eta bideo-muntaia helarazi zuen herrikideekin partekatzeko.

Atzotik, itxita dago Batzokia. Orain arte taberna eta jatetxea kudeatu dituen Gorka Alberdik utzi egin du zeregin hori, osasun arrazoiak tarteko. Plaentxia.eus atariari esplikatu dionez, berak ezin du lanik egin eta emazteak Bergarako Labegaraieta auzoan dagoen taberna kudeatzen du eta ezin du beste bat bere gain hartu. Orain dela ia urtebete hartu zuten Batzokiaren kudeaketa Gorka Alberdik eta Veronica Prietok, iazko ekainaren hasieran, hain justu.