“Pozik bizitzen lagunduko” duen, “eguna indartsu eramaten ahalbidetzen” duen, “goizetan energiarekin jaikitzen lagunduko” duen, norbere gorputza norbere aliatua dela sentitzea ahalbidetuko duen eta oro har, “emakumeentzat osasuntsua” den elikadura izango du aztergai Mireia Alberdi bergararrak bihar eta bihar zortzi Tolarekuan egingo den elikadura tailerrean, oro har, “mito eta beldur gabeko elikadura”.
Ekimenak du izenburua Platerean iraultza morea, emakumeontzat elikadura osasuntsua eta dago antolatuta Soraluzeko Emakumeon* Ahalduntze Eskolaren baitako egitarauan.
Eskola horren baitan beste bi ekimen egingo dituzte urtarrila bukatu aurretik: abenduaren 17an eta 21ean, Gozogintzari buruzko jakintzak eta zaporeak partekatuz izeneko tailerra eta urtarrilaren 29an, Soraluzeko Emakumeon* Topaketa.
Urrian hasita, beste bost ekintza egin dituzte eta oso arrakastatsuak izan dira, adibidez, Xerka ekitaldia eta zoru pelbikoa indartzeko zein kosmetika naturala lantzeko tailerrak.