Itxaropenako bazkideen artean preziatuak izaten dira Gabonetako zozketarako izaten diren otarrak. Bete egiten da areto nagusia, izan ere, lekuan bertan egiten dute 50 otarren zozketa. 17:00etan hasiko da.
Hura amaitzean, aprobetxatuz bazkide asko bertan egongo direla, elkarrekin ospatuko dute Santo Tomas eguna eta txistorra pintxo bana emango diete.
Abenduko argazki erakusketari dagokionez, berriz, aurtengo Gisote Lehiaketako eta 80 urtetik gorakoen omenaldiko argazkiz osatuta dago. Urte amaierara arte izango da ikusgai.