Aurten, honako bost gai eman zizkieten argazkilariei lehiaketarako argazkiak ateratzeko: Berde argia -SAPA eta zubi berriko ingurua; berde argi kolorea agertu behar da-; Isladak -ispilu efektua superfizie batean: beiran, uretan…-, Up & Down -Soraluzen ibiltzea gora eta behera ibiltzea da-; Kaleko errotuluak -kale, denda, taberna…- eta Blues Hotsak -musika, Lambretta motorrak…-.
62 lehiakidek eman zuten izena, Gipuzkoako, Bizkaiko eta Nafarroako 28 herritatik etorrita. 14:00ak arte jardun zuten argazkiak ateratzen, goiz erdian hamaiketakoa eginez, Txoko tabernan. Oso gustura geratu ziren hamaiketakoarekin, gainera.
Argazkiak ateratzeko epea bukatzean, haiek deskargatu eta etzi, barikua, epaimahaiak guztiak ikusi eta irabazleak erabakiko ditu. Sari banaketa abenduan egingo da; eguna zehazten dutenean jakinaraziko dute.