Abenduaren 9an, martitzena, 18:30ean zabalduko dute Eli Etor Lakuestaren (Soraluze, 1929-2000) argazki erakusketa. 1960ko hamarkadako 52 argazkiz osatuta dago, albistean azaltzen direnak modukoak, San Roke eguneko prozesioa, Felix Etxaniz Arruza eta Anton Barrutia txirrindulari ezaguna eta Eli bera emaztearekin.
Erakusketa ikusgai izango da abenduaren 30era arte -abenduaren 24 eta 25 itxita- aste-barruan 18:30etik 20:00etara eta zapatuetan 12:00etatik 13:30era.
Kontrargi Argazki Kolektiboak urtero ipintzen du Eli Lakuestaren argazkiz osatutako erakusketa bat. Izan ere, Lakuesta familiak herriari dohaintzan emanda dauka Eli Lakuestaren 60.000 argazkiko artxiboa eta Kontrargik kudeatzen du artxibo hori.