Ina Forsmanen soul europarrak gozarazi du publikoa Blues Hotsak jaialdiaren lehen kontzertuan

Ina Forsman soul kantari finlandiarrak kontzertu gogoangarria eskaini zuen atzo Herriko Antzokian Helsinkitik zuzenean etorrita. Sarrera Iosune Aramendi eta Aissa Intxausti bertsolariek eman zioten bertsotan eta ondoren Forsmanek eta bere taldeak ordu eta erdiko soul emanaldi bikaina eskaini zuten, aretoan batu zen publiko ugariaren gozamenerako. Azpimarratzekoa musikarien maila, kantariaren ahotsa bere erregistro barietate ikusgarriarekin eta sortu zuten giro beroa. Errepertorioari dagokionez, nabarmentzekoa The Beatles taldearen bertsioa. Azkenean, taldeak publikoak eskatutako bisa eman eta gero, agurtu zuen Soraluze, taldearen birako azken kontzertua izan zena eskaini ostean. Argazkiak: Gaizka Azkarate, Blues Hotsak.