“Beste behin esango dute inoizko aurrekonturik handienak direla, onenak, baina EAEn pobreziak gora egiten jarraitzen du, eta arazo sozialek ere bai”, halaxe adierazi zuten, besteak beste, asteleheneko elkarretaratzean. Halaber, %4ko igoera izango duen EAEko aurrekontuan, gutxieneko pentsioak osatzeko partida aldarrikatu zuten.
Gogora ekarri zuten aurrekontu horren %86 soldata-errentetatik datorrela, eta gainera, %10 igoko dela PFEZ Pertsona Fisikoen Errentaren gaineko Zergaren bilketa; aldiz, “20 urte geldirik daramatzan Sozietateen gaineko Zerga % 14 jaitsiko da”, esan zuten.
Bestalde, berbagai izan zuten ere Lanbide Arteko Gutxieneko Soldata propioa. Elkarretaratzean esan zutenez, hura blokeatuta dago eta EAEko Confebask eta Nafarroako CEN patronalek, gainera, arbuiatu ere egin dute. Egoera horren aurrean, beharrezko ikusten dute pentsiodun mugimenduen, sindikatuen eta bestelako kolektibo sozialen arteko mobilizazioa.