Soraluzeko Batzokitik Palestinako bandera gauez kendu izana gaitzesten dugun erasoa da. Ezjakintasun politiko eta intolerantzia autoritario eta sektarioaren adierazpide bat. Pluraltasunaren eta adierazpen-askatasunaren aurkako atentatu bat gehiago.
Orain salatzen ari garen ekintza hau Soraluzeko askatasun eta pluraltasun politikoaren aurkako eraso larri bat da. Jadanik joanak zirela uste genuen garai triste eta garratz batzuetara garamatzan bullying politiko modu bat. Lehen bai lehen, Soraluzeko EAJ-PNVk Palestinaren bandera berriro ere gure batzokian jarriko dugu. Behar den adina aldiz egingo dugu gauza bera. Ez dugu onartuko gure aurkako jarrera faxistarik.