Debegesa eskualdeko garapen agentziatik jakitera eman dutenez, kultura -eta sormen- sarea sustatzeko helburuarekin, Debabarreneko Kultura eta Sormen Industrien (KSI) sektorea dinamizatzeko Ekintza Plan berria idazten dihardute.

Atzo, udalbatzarrak Ezozibidea Berritzen egitasmoarekin lotutako hiru puntu onartu zituen aho batez, guztiak ere, ekonomikoak eta tramite burokratikoekin lotura dutenak. Labur esanda, batetik, Eusko Jaurlaritzatik Soraluzera bideratutako 5.800.000 euroko partida gehigarriari bide ematea onartu zuten. Bestetik, partida hori bideratzeko Udalaren dirulaguntzen plan estrategikoa aldatzea onartu zuten eta hirugarrenik, Ezozibideko 16-34ko komunitateei zuzendutako dirulaguntzen oinarriak onartu zituzten.