Bihartik barikura, Soraluce Summit ate irekien jardunaldia egingo dute Soraluce Kooperatiban

Ekonomia

Bihar, maiatzaren 18an hasi eta maiatzaren 20ra arte, Soraluce kooperatiban Soraluce Summit-en aurtengo edizioa egingo dute. Besteak beste, ate irekien jardunaldia baliatuko dute “funtzio anitzeko makina berritzaile bat” aurkezteko, “neurri handikoa eta automatizazio maila handikoa”. Gidatutako tourra ere iragarri dute, makina-erremintaren fabrikatzailearen “azken aurrerapenak eta proiektuak” ezagutarazteko. 60 urte bete ditu Soraluce Kooperatibak aurten eta hori ere ospatuko dute. 

Eskualdeko 30 bat enpresa izan dira Eusko Jaurlaritzaren laguntza-plana ezagutzeko ekitaldian

Ekonomia

Eusko Jaurlaritzak gaur aurkeztu die Debabarreneko enpresei Ekonomiaren Garapen, Jasangarritasun eta Ingurumen Sailak enpresa txiki eta ertainentzako prestatutako 2022ko laguntza-plana. Debegesaren Eibarko egoitzan izan da ekitaldia, eta hogeita hamar enpresa izan dira bertan, programa bakoitzaren xehetasunak ezagutzeko helburuarekin.