Beste beherakada bat langabezian

Ubane Madera Zangitu 2025ko mai. 9a, 11:37

Apirileko datuen arabera, langabeziak beste beherakada bat izan du Soraluzen eta ia-ia %11ko langabezia-tasara iritsi da. Gainera, urtarriletik ari da jaisten langabezia Soraluzen. Kasu horretan eta Debabarrenera begiratuta, 2025a hasi zenetik, bakarrik Soraluzen eta Deban egin du behera langabeziak hilero. Bailarakoari begiratuta, berriz, apirilean %10,16ko tasa neurtu zuten.

Apirileko datuen arabera, Eibarrek bakarrik gainditzen du %12ko langabezia tasa Debabarrenean. Gainerako udalerri guztiek hortik beherakoa dute, baita Soraluzek ere.

Soraluzeri dagokionez, martxoan ere neurtu zuten %12tik beherako tasa, baina apirilean beste koska bat beheratu eta ia-ia %11ko tasara ailegatu zen, hain justu, %11,04koa izan da apirileko langabezia-tasa.

Behera hiru herritan

Gainerako udalerriei dagokienez, langabeziak behera egin du Deban, Mendaron eta Mutrikun; berdin mantenu da Eibarren eta gora egin du, berriz, Elgoibarren.

Hona hemen datuak herriz herri:

  • Deba:                135        %5,12
  • Eibar:              1.550       %12,37
  • Elgoibar:            487       %9,13
  • Mendaro:             83        %8,40
  • Mutriku:               179       %6,82
  • Soraluze:             193       %11,04
  • Debabarrena:    2.627      %10,16

ALBISTEAK ESKUKO TELEFONOAN

Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!

WHATSAPP: Bidali ALTA 699 86 87 29 telefono zenbakira –Whatsapp bidez–.

TELEGRAM: Batu zaitez @plaentxia kanalera.