Martxoan, Debabarreneko herrien artean, langabezia jaitsierarik handiena izan duen herria da Soraluze. 11 langabe gutxiago kontabilizatu dituzte eta tasari dagokionez, %12tik beherakoa, %11,61 zehazki. Urtea hasi zenetik lehen aldia da %12tik beherako tasa neurtzen dutela.
Debabarrenari dagokionez, berriz, orokorrean jaitsi egin da eskualdeko langabezia tasa, baina jaitsiera apala izan du, Eibarren, Mendaron eta Mutrikun gora egin baitu langabeziak eta behera egin du Soraluzen, Elgoibarren eta Deban.
Martxoko datuen arabera, bada, Eibarrek segitzen du izaten bailarako langabezia-tasarik altuena, eta gainera, %12ko langa gainditzen segitzen du. Hori bai, azken urteotan moduan, Soraluzek segitzen du izaten Debabarreneko bigarren langabezia-tasarik altuena.
Hona hemen martxoko datuak herriz herri:
- Deba: 143 %5,42
- Eibar: 1.550 %12,37
- Elgoibar: 480 %9,00
- Mendaro: 88 %8,91
- Mutriku: 180 %6,85
- Soraluze: 203 %11,61
- Debabarrena: 2.644 %10,22
