Soraluzeko anbulatorioko mediku eta erizain guztiak, ginekologoa izan ezik, normal ari dira lanean gaur, barikua. Bestela esanda, SME sindikatuak EAEn deitutako medikuen greba apenas ari da eragina izaten udalerrian.
Gripearen kontrako txertoa
Bestalde, anbulatoriotik gogora ekarri dute datorren urriaren 8an hasiko dela gripearen aurkako kanpaina eta dagoeneko eska daitekeela txanda txertoa hartzeko.
Honakoek izango dute txertoa hartzeko lehentasuna:
- 60 urtetik gorakoek
- 6 hilabete eta 5 urte bitarteko umeek
- Gaixotasun kronikoren bat dutenek: diabetesa, kardiopatiak, BGBKk…
- Haurdun dauden emakumeek
- Osasun arloko eta arlo soziosanitarioko profesionalek
- Bestalde, 75 urtetik gorakoei COVIDaren kontrako txertoa ere jartzeko aukera eskainiko zaie