Gaur eguerdira arte dago Antxintxika krosean izena emateko epea, kirolprobak.com atarian. 380tik gora partaide animatu dira dagoeneko, beraz, bihar 400 bat abiatuko dira Etxaburueta kaletik. Izena eman dutenen artean, 101 dira emakumezkoak.
Herriko partaideei dagokienez, oraingoz, 16 partaidek eman du izena, horietatik 2 emakumezkoak.
Aurten, dortsalak jasotzeko aukera bakarra izango da, Bergarako Seminarixoko postuan. Gero, partaide guztiek izango dute Soraluzera autobusez etortzeko aukera. Lasterketa 16:30ean hasiko da eta ordu laurdenero aterako da talde bat, nagusia, korrikalariena, 17:00etan.
Ibilbidearen zatirik handiena bidegorritik egingo dute.