Joan zen barikuan, Bankoa Abanca - El Diario Vasco XXXIV. Pilota Txapelketako bi partida jokatu ziren udal pilotalekuan. Aldaz eta Telletxea nagusitu ziren Promesen mailan eta Etxeberria eta Lazkoz nagusien mailan. Armailetan ikusle asko batu ziren, ehun herritar baino gehiago.
Bariku gauean herritar asko hurretatu ziren udal-pilotalekura Bancoa-DV pilota txapelketako final zortzirenetako eskuz binakako partiduak ikustera.
Promesen mailan Aldaz eta Telletxea bikotea 22 eta 15 nagusitu zitzaien Olaiz eta Artetxe bikoteari eta Nagusien mailan, berriz, Etxeberriak eta Lazkozek 22 eta 13 menderatu zituzten Hormaetxea eta Garaño.
Torneoa irailaren 20an abiatu zuten eta finala abenduaren 13an jokatuko dute, Zumarragan.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.