Kanal honek ibaiak berreskuratzeko Merlin proiektu europarraren gaineko eta orohar presen auziaren inguruko informazioa jaso du.
GDIk uste du Oleako presa botatzeko proiektua geldiarazi egin behar dela
Herenegun, martitzena, Gure Deba Ibaia taldeak Oleako eta Zuloagako presak eraisteko proiektuari buruzko hitzaldia eskaini zuen. 25 lagunetik gora batu ziren, baita udal ordezkariak ere, alkatea eta oposizioko burua tarteko. Labur esanda, GDIk uste du proiektu hori “Soraluzeko Plan Orokorrak jasotakoen kontrakoa” dela, “Olaldeako proiektua bera ere kaltetzen” duela eta “Udalak agindutako Deba ibaiko Plan Integrala zapuzten” duela. Barruan irakurgai Gure Deba Ibaia taldeak helarazitako idatzi-laburpena.
