Atzo, Ainara Osoko Txurrukak hunkituta jakinarazi zuen bere zinegotzi kargua lagako zuela, zaintza-lanei dedikazioa eskaintzeko helburuarekin, “pena handiarekin eta herrikideei oso eskertuta”. Familiari eta taldekideei ere eman zizkien eskerrak, “egon diren akatsengatik” barkamenak eskatu zituen eta gaineratu zuen “ohore handia” izan dela Soraluzerengatik lan egitea, adieraziz “Plaentxiak hainbeste merezi” duela. “Herrigintzako bidean jarraituko gara ikusten eta eskerrik asko”, bukatu zuen.
Eskerron eta berba onak denengandik
Haren ondotik etorri ziren gainerako udal alderdien ordezkarien berba onak.
Iker Aldazabal jeltzaleak honakoa adierazi zuen, besteak beste: “Pena bat da, badakigu ze dedikazio eta esfortzu suporatzen duen udal jardunak. Jendea ez dago udal kudeaketan esku bat botatzeko; gehienbat izaten da kritikak egiteko. EAJren aldetk zorte on ama izateko ibilbide berrian. Animo eta lagun moduan, gurekin kontatu”.
Patricia Borinaga sozialistak honakoa gehitu zuen, hura ere hunkituta: “Plazer bat izan da zurekin lan egitea eta bizitzako onena opa dizut”.
Azkenik, Udal Gobernuaren izenean, Unai Larreategi alkateak ere asko eskertu zion egindakoa zein zinegotzi izatera animatu izana eta azpimarratu zuen agur bat baino gero arte dela esan nahi diotena.
Agurren ondoren, alkateak jakinarazi zuen Esther Cruz izango dela aurrerantzean Ainara Osororen lekua beteko duena eta erabakia firme izango dela Hautets Batzordeak jasotzen duenean hori. Gaineratu zuen, hurrengo osokoan izendatuko dutela ordezkoa formalki eta batzorde aldaketen eta bestelakoen berri aurrerago joango direla ematen.