Datorren martitzenean, apirilaren 30, eskualde mailako karta eta mugimendu jokoen txapelketa jokatuko da eliz-atarian. Bost joko izango dira lehian, mus, tute, txintxon, toka eta igela. 11:00etan hasiko da txapelketa eta Soraluzeko elkarteko ordezkaritza ere izango da partaideen artean. Martitzeneko irabazleak eskualde arteko txapelketara sailkatuko dira. Maiatzaren 14an jokatuko dute txapelketa hori.

Martitzenean, 83 lagun elkartu ziren mahaiaren bueltan Itxaropena Erretiratuen Elkartearen eskutik antolatutako bazkarian. Berritasun modura antolatutako jatordua izan zen eta antolatzaileek esandakoaren arabera, oso ondo joan zen dena. Bazkalondoren, bingoan jardun zuten ohikoek eta berri batzuk ere gehitu zitzaizkien jokorako.