Burdina oinarri hartuta, “poetizatutako matematika eta fisika esentzialak” bidaide dituela, espazio eskultorikoak sortu eta espazio horiek zeharkatzeko argiak behar duen denbora, horixe kontatzen dute Jose Carlos Balanza artistaren eskulturek. Barikuan inauguratu zuten El tiempo, la luz y un abrojo izeneko erakusketa Oreka Art galerian. Burdinazko eskultura horiekin batera, eskultura planoak, grabatu batzuk eta egurrezko eskultura bat ere jarri ditu ikusgai Logroñoko artistak. Hilaren amaierara arte izango da erakusketa ikusgai.