Usoa Zumeta: "Bakoitza eskuz estanpatuta dago eta izan zen eromena, bi urteko lana"

Eguaztenean inauguratu zuten Oi! Bihotz, Ay! Corazón, Oh! Heart izeneko erakusketa, Oreka Art galerian. 38 serigrafiaz osatuta dago, José Luis Zumeta zenak San Juan de Dios ospitaleko (Arrasate) Globo Rojo aldizkariko testuetan eta poemetan inspiratuta sortu eta Usoa Zumeta alabak estanpatu zituenak. Inaugurazioaren aurretik Zumetak PLAENTXIA.EUS atariari emandako elkarrizketan kontatzen du, besteak beste, bi urteko lanaren emaitza dela Soraluzen ikusgai dagoena eta dagoeneko 15 urteko ibilbidea eginda duela erakusketa horrek, tartean, nazioartean.