Gaur gauean erretiratu dituzte hondakin-guneetako edukiontzi hori eta urdin zaharrak eta haien partez erabili behar diren berriak erabilgarri daude. Dena den, kexuren bat zein beste izan da; Errekaldeko bi gunetan, behintzat, atzo oraindik edukiontzi zaharrak bertan zeuden, gainezka egon ere, eta, ondorioz, askok haien ondoan laga dituzte hondakinak eta gaur goizean oraindik bertan zeuden hondakinetako batzuk, batu barik.

Eguazteneko saioan, alkateak jakinarazi zuen Udal konporazio osoak aho batez planteatzen duela “erreparorik ez” ipintzea Zuloagako eta Olako presetan esku hartzeko, ostera, Olabarrenako eta Igarateko (Malmero) presen kasuan, Udalak planteatzen du proiektu bateratua eta osatuagoa erredaktatzeko eskatzea Aldundiari eta Ura Agentziari. Alkatearen esanetan, prozesua ez da amaitu eta eskatutako proiektuak eskuartean izatean, “eztabaida berriz mahai gainean” jartzeko asmoa adierazi du. Irakurri Udalaren planteamenduaren jatorrizko testu osoa HEMEN.