Bihar, abenduaren 2an, eta hurrengo martitzenean, abenduaren 9an, emakumeei zuzendutako elikadura tailerra eskainiko du Mireia Alberdi Bergarako nutrizionistak. Oro har, “mito eta beldur gabeko elikadura” landuko dute, 18:00etatik 20:00etara, Tolarekuan. Bada, Udalak jakinarazi du azken lau leku geratzen direla parte hartu nahi dutenentzat. Parte hartzeko honako helbidera idatzi behar da: yoana@daiteke.com helbidera.

Dagoeneko ipinita daude Gabonetako argiak erdiguneko kaleetan eta datozen egunotan jarriko dituzte Olentzeroren eta Mari Domingiren txabola eta Gabonetako arbola Plaza Barrixan. Izan ere, barikuan, abenduaren 5ean izango da txabolaren irekiera eta argi pizte ekitaldia, 18:00etan hasita. Ipuina, musika, Galtzagorriak eta txokolatea ere izango dira ekitaldian.