Gipuzkoako hainbat taldek ekimena abiatu dute herritarrek Energia Berriztagarrien Lurralde Plan Sektorialari aurkeztuko zaion alegazio herritarra sinatu dezaten. Gaurtik, barikua, Soraluzen Karakate Bizirikek mahaiak jarriko ditu alegazio herrikoiaren alde sinadurak batzeko. Bestalde, hemen klikatuta ere eskura daiteke alegazio herritarraren dokumentua, zuzenean norberak sinatu eta herriko taldeari entregatu ahal izateko. 

Ondorengo iritzi artikuluan azaltzen dituzte alegazioaren nondik norakoak. Ondorengo taldeek sinatu dute: Biolur, EHKOlektiboa, Oletan ere ez (Azkoitia), Sañu Bizirik (Azpeitia, Zestoa), Karakate Bizirik (Elgoibar, Bergara, Soraluze), Andatza-Ezkeltzu Bizirik (Zizurkil), Aldabazaharreko lagunak (Tolosa) eta Itziarko Auzo Udala (Andutz).