Zentral eolikoa Karakaten

Mendietan zentral eolikoak ipintzearen kontrako agerraldi kolektiboa Elosun

Erabiltzailearen aurpegia

Urriaren 12an, eguaztena, Elosun elkartuko gara Gipuzkoako Mendiak Aske osatzen dugun hainbat plataforma, tartean Soraluzeko Karakate Bizirik, gure mendiak babestu nahi ditugula eta mendietan zentral eolikorik nahi ez dugula aldarrikatzeko. Hainbat herritatik abiatuko dira mendi martxak zein autobusak elkarrekin agerraldi publikoa egiteko 13:00etan. Ondoren mokadutxoa egiteko aukera ere izango da. Dei egiten diegu herritarrei ere bertara batzeko. Soraluzeko autobusa 11:45ean abiatuko da

Soraluzetik Elosura joateko bi aukera egongo dira. Oinez joan nahi dutenentzat 8:30ean Plaza Berrian egin da deialdia. Autobusez joan nahi dutenentzat, berriz, 11:45ean da hitzordua, Estaziñoko geltokian. Itzulera 14:00ak inguruan izango da. Oinez doazenak autobusez itzuli daitezke.

Edozein kasutan, aurrez autobuseko zerrendetan izena eman beharko da, joan-etorria autobusez egin nahi dutenek zein etorria bakarrik egin nahi dutenek.

Astelehena baino lehen

Izena eman daiteke honako lekuetan: Bolia, Arrano eta Batzokia tabernetan eta Iratxo goxo-dendan. Edo bestela, HEMEN BERTAN KLIKATUTA dagoen formularioa beteta, astelehena baino lehen. Haurrentzat doan izango da autobusa, helduentzat, berriz, 5 euro.

Honako taldeak dira ekimenaren deitzaile: Oletan ere ez (Azkoitia), Sañu bizirik (Azpeitia), Sainu BIzirik (Zestoa), Karakate Bizirik (Bergara), Karakate Bizirik (Elgoibar), Karakate Bizirik (Soraluze), Urretxu-Zumarraga Bizi! (Urretxu-Zumarraga), Andatza-Ezkeltzu Bizirik (Zizrukil) eta Andatza-Ezkeltzu Bizirik (Ursurbil).

Erlazionatuak

Karakate Bizirik plataformak alegazioak aurkeztu ditu

Erabiltzailearen aurpegia Ingurumena

Green Capital enpresak egin asmo duen zentral eolikoaren tramitazioa ingurumen inpaktuen ebaluazioaren prozesuari dagokion urratsean dago. Abuztuan...
Plataformaren iritzia Green Capitalek ezagutarazi dituen azken xehetasunez

Erabiltzailearen aurpegia Ingurumena

Abuztuaren hasieran izan genuen Green Capital enpresak Karakaten eraiki nahi duen zentral eolikoari buruz aurkeztutako hasierako ingurumen txostena...