Bihar, abenduaren 2an, eta hurrengo martitzenean, abenduaren 9an, emakumeei zuzendutako elikadura tailerra eskainiko du Mireia Alberdi Bergarako nutrizionistak. Oro har, “mito eta beldur gabeko elikadura” landuko dute, 18:00etatik 20:00etara, Tolarekuan. Bada, Udalak jakinarazi du azken lau leku geratzen direla parte hartu nahi dutenentzat. Parte hartzeko honako helbidera idatzi behar da: yoana@daiteke.com helbidera.

Urtea amaitzeko azken txanpan, 2025aren balorazioa egin zuten euskal presoen aldeko barikuko elkarretaratzearen bueltan. Oro har, “urte oparoa” izan dela uste dute, “aurrera urratsak nabarmenak” izan direla eta “euskal preso, iheslari eta deportatu guztiak etxeratzearen helburua inoiz baino gertuago” dagoela. Azpimarratu dute horren bultzada “euskal gizartearena” dela “hein handi batean” eta bide beretik segituko dutela abenduko zein urtarrileko mobilizazioetan.