Hauteskundeetarako mahaikideak zozketa bidez aukeratu dituzte

Hauteskundeetarako mahaikideak zozketa bidez aukeratu dituzte

Joan zen asteko Udalaren osoko bilkuran izendatu ziren maiatzaren 27rako hauteskundeerako mahaikideak. Lehendakariak eta bokalak eta hauen ordezkoak zozketa bidez aukeratu ziren. (Ikus emaitzak)

EAE-ANVren Soraluzeko zerrenda ez dute baliogabetu

EAE-ANVren Soraluzeko zerrenda ez dute baliogabetu

Espainiako Auzitegi Gorenak onartu egin du Sozialista Abertzaleen zerrenda guztiak eta EAE-ANVren 133 zerrenda inpugnatzeko eskaera. Horien artean, Soraluzeko Abertzale Sozialistak taldearen zerrenda dago, baina ez EAE-ANVrena.

Erregionalak bina berdindu zuen Urnietaren kontra

Sorak badu lehenengo mailara igotzeko aukerarik oraindik. Zapatuan jokatu zuen Urnietaren aurkako partidu garrantzitsua Ezozin eta binakako berdinketa lortu zuen. Bi taldeak puntu kopuru berarekin zeuden, bata 2.postuan eta bestea 3.ean. Berdinketak ez du sailkapenean eraginik izan. Hala ere, Lazkao da lehenengo doana 22 punturekin, eta asteburuko partidua irabazita, hiru puntuek gero eta gehiago urrundu dute Sora eta Urnieta taldeen 15 puntuetatik.

Udalak Erregetxeko lursaila saltzeko aukera izango du

Udalak Erregetxeko lursaila saltzeko aukera izango du

Asteazkeneko Udalaren osoko bilkuran Erregetxeko lurrazpia ondasun publiko izatetik ondasun patrimonial izatera aldatzea erabaki zen, EAJ eta EAren aldeko botoekin, eta SAH, PSOE eta PPko aurkako botoekin. Izendapen aldaketari esker, lursailaren erabilera ez da derrigorrez interes publikokoa izan behar. Beraz, Udalak berak erabakitako erabilera eman diezaioke. Udal Gobernuaren asmoa aparkaleku pribatuak egitea da.
Oposizioak gaia mahai gainean uzteko eskatu zuen, hauteskundeetan Udaleko konposaketa aldatu egin daitekeela eta aparkaleku publikoen aldekoak direla esanez. Hala ere, botaketa egin egin zen. 

Erregetxeko lurrazpia saldu ala ez erabakiko dute gaurko udalaren osoko bilkuran

Erregetxeko lurrazpia saldu ala ez erabakiko dute gaurko udalaren osoko bilkuran

Lau urtetako legealdia bukatzear dagoela, gaur iluntzeko 7etan udal plenoa egingo dute zenbait gai garrantzitsu aztertzeko. Horietako bat 15.000m3 dituen Erregetxeko lurrazpia saldu ala ez erabakitzea izango da. Udalak izendapena aldatu zuen duela bost hilabete, sustatzaile pribatu bati saldu eta aparkaleku pribatuak egiteko. Oposizioa aparkaleku publikoen alde azaldu da.

 

Udal hauteskundeetako hautagaien zerrendak

Udal hauteskundeetako hautagaien zerrendak

Maiatzaren 27ko hauteskundeetan aurkeztuko diren hautagaien zerrendak argitaratu ditu Gipuzkoako Aldizkari Ofizialak. Soraluzen aurkeztuko diren alderdi eta hautagai guztien zerrendak aurkezten dizkizuegu.
 
 

Atxotegi Udaberri Txapelketako irabazle

Atxotegi Udaberri Txapelketako irabazle

Aitor Atxotegik Udaberri Txapelketa irabazi du Loiola elgoibartarrarekin batera. Andoainen jokatutako finala 22 eta 9an  bukatu zuten, Beharzana taldekoen kontra. Senior mailako txapeldun geratu dira. Deba Bailarako txapelketa jokatzen dabil bikotea, eta orain artekoak irabazi egin ditu.

50. urteurreneko azken ensaioak

50. urteurreneko azken ensaioak

Hilabete bi baino gutxiago geratzen dira Dantza Taldearen 50.urteurreneko ospakizunerako. Dagoeneko 80 dantzari eta 10 txistularitik gora batu dira ensiaoetan. Hurrengo ensaioa datorren barixakuan, hilak 20, iluntzeko 7etan izango da goiko eskolan.

 

 

 

Goiko eskolako jolastokiko lanak bukatu dira

Goiko eskolako jolastokiko lanak bukatu dira

Ume txikienentzat ziburuak, saskibaloirako saskiak, pin-pon mahaia eta aulkiak ipinita bukatu dituzte Plaentxi Herri Eskolako jolastokian egindako lanak. Eskolako orduetaz aparte, gaueko 21:00ak arte zabalik egongo da egunero.

 

Aretoa beteta Zuazoren hitzaldian

Aretoa beteta Zuazoren hitzaldian

  AEKren lokala bete egin zuten Koldo hizkuntzalariak emandako hitzaldira joan zirenek. “Herri izkera eta euskara batua” izenburupean, euskalkiek eta batuak duten lekuaz eta garrantziaz berba egin zuen. Euskara batuak hizkuntzari berari eta euskaldunei ekarri dizkien onurak azaldu zituen eta tokiko batua erabiltzera jo beharra azpimarratu zuen. Tokiko batuak bertako euskalkia eta euskara batua uztartzen ditu eta lekuan lekuko berbeta modura gerturatzen laguntzen du. “Deba ibarreko euskara. Dialektologia eta tokiko batua” liburua plazaratu du orain dela hilabete batzuk, eta hitzaldiko gaiak jorratzen ditu.

EAko inkesten emaitzak

EAko inkesten emaitzak

Joan zen hilean zabaldu zituen EAk inkestak buzoietan herriko gaien inguruan zer nolako gabeziak zeuden jakiteko. Jasotako erantzunen arabera, aparkalekuak, garraioa, ingurumena eta kultura izan dira herritarrek lehentasuna eman dieten atalak, gehiago landu edo hobetu egin behar direla esanez.  Eskakizun zehatzak ere jaso dituzte, alor askotarako: etxebizitzetan alokairua bultzatzeko, erdigunean aisialdi lekuak izateko, kutsadura akustikoa gutxitzeko, kultura indartzeko , eta beste hainbat. Hauek kontuan izanda osatuko dutela hauteskunde programa adierazi digu EAk.


Zer da plaentxia.com?

Plaentxia.com Pil-Pilean Kultur Elkarteak sortutako ekimena da.

Helburuak:

  • Soraluzeko orainkaria izatea da proiektu honen helburu nagusia. Herrian gertatzen dena momentuan emateko ataria, hain zuzen ere. Herritarrek uneoro eta edozein lekutatik Soraluzeko informazioa eskuratzeko gunea.
  • Informazioa eman eta jaso egingo dugu. Herritarra informazioren hartzaile ez ezik, informazio igorle eta iritzi sortzaile ere bada. Horregatik herriko eragile ezberdinak izango dira informazioaz atari hau elikatuko dutenak.
  • Soraluzetarren topaleku izatea da beste helburu bat.
  • Teknologia berrietan euskarak duen presentzia indartzea. Euskara izango da proiektu honetako komunikazio-hizkuntza.

Ezaugarriak:

  • Dinamikoa: Egunean eguneko informazioa gehituko da webgunera. Egunean pare bat albiste sartuko ditugu. Asteburuetan, normalean, ez dugu notiziarik sartuko, baina okasioak eskatzen duenean ez diogu lanari atzea emango.
  • Horizontala eta partehartzailea: Erabiltzaileak parte hartze zuzena izango du proiektu honetan. Albisteak osatu eta hauen gaineko iritziak emateko aukera izango du irakurleak. Gainera, agendako ekitaldiak norberak sartzeko modua ere jarri dugu. Hori bai, plaentxia.com editore batek kudeatuko du, eta ataria eguneratzeaz gain, erabiltzaileen iritziak moderatzeaz era arduratuko da.

Atalak:

Hasteko, 2 atal nagusi izango ditugu:

  1. Albisteak: Kronologikoki agertuko dira orrialdean; hau da, idatzitako azken albistea lehenengoa azalduko da. Albisteen gainean komentarioak egiteko aukera izango da eta hauek automatikoki argitaratuko dira. Albistea osatu edo iritzia emateko aukera izango dute irakurleek. Halaber, nahi izanez gero, albisteen titulu eta azpitituluak norberaren helbide elektronikoan jasotzeko aukera izango da e-posta harpidetza bidez erregistratuta. Honela web-ean azaltzen diren albisteen berri izango du sarean azaldu bezain laster, eta handik albiste osoa irakurtzeko aukera izango da.
  2. Agenda: Soraluzeko agenda izatea nahi da. Orri nagusian, egun horretako ekitaldi guztiak agertuko dira. Bestalde, egunez egun nahiz ekitaldi motaren arabera bilaketak egin ahalko dira. Gainera, formulario erraz baten bitartez, agenda irakurleek beraiek osatzeko aukera izango dute.

Arauak

Herritarrek eta irakurleek albisteen gaineko iritzi eta komentarioak egin ahalko dituzte. Gainera, emandako notiziak osatu edo zuzentzeko aukera ere badago. Hala ere, iritziak eta komentarioak egiteko orduan, arau batzuk bete beharko dira:

Moderazio irizpideak

Printzipioz, albisteen gainean izan daitezkeen komentarioak, iritziak eta informazio osagarriak moderatu gabe igaroko dira. Espero dugu irakurleek zentzuarekin erabiliko dutela aukera hau, errespetuzko iritzi trukea eta benetako adierazpen askatasuna posible izan dadin.

Eztabaidetan parte hartzeko arauak

  • Ez dugu onartuko irainik, eta errespetuz idaztea eskatzen dizugu.
  • Mugatu zure iritziak eztabaidatzen ari den gaira. Gaiarekin bat ez datozen parte hartzeak ezabatu egingo dira.
  • Ez dugu inola ere onartuko, anonimotasunean mozorroturik, edozer esatea edozein pertsonaren, enpresaren edota instituzioren gainean.
  • Intimitate eskubidea urratzen duten mezuak ez dira onartuko.
  • Publizitate mezuak ez dira onartuko.
  • Eskertuko dizugu izen-abizenekin idaztea, ahal duzula behintzat.
  • Plaentxia.com-ek eskubidea du edozein erantzun ezabatzeko, horrela erabakiz gero. Aldi berean, beharra ikusten denean, plaentxia.com-ek eztabaidako mezuak editatu ahal izango ditu.
  • Plaentxia.com-ek ez du bere gain hartzen webgunean adierazitako esanen eta iritzien erantzukizunik.
  • Etorkizunean, plaentxia.com-ek arau hauek aldatu edota zabaltzeko eskubidea dauka, eztabaiden erabilpen zuzena bermatzeko helburuarekin.
  • Komentarioak eta bestelako parte hartzeak euskaraz egin behar dira.

Plaentxia.com-ek eta Pil-Pilean Kultur Elkarteak ez dute beren gain hartzen albistegi honetan partikularrek adierazitako esanen eta iritzien erantzukizunik.

Publizitatea


  • Neurriak:
    1. 130 x 80 pixel ( 4.59 zm. x 2.82 zm.)
    2. 130 x 160 pixel ( 4.59 zm. x 5.64 cm.)
      1. Kokapena: Publizitatea ezkerreko menuan joango da.
      2. Izaera: Moduluak estatikoak edo dinamikoak izan daitezke. Web gune propioa duten bezeroen kasuan, publizitateak web gunera lotura edukiko du.
      3. Iraupena: Hiru astez erosi gero, laugarrena doan.
      4. Ekoizpena: Publizitateko bannerraren/tarjetaren diseinua, printzipioz, ez da kobratuko. Hala ere, bezeroak eskatutako banner motak duen zailtasuna eta lana kontutan hartuko da, eta baliteke kasu batzuetan kobratzea.
      5. Informazio gehiago eta prezioak: Telefonoa: 647626741 pil-publizitatea@euskalerria.org