Jendetza eta borrokaldi zirraragarriak zapatuko boxeo-jaialdian
2018-04-16 08:34 Kirola
Ixa Rodriguezek, Oussama Hinak, Julen Gallastegik eta Adur Odriozolak garaipen bana eskuratu zuten zapatuko jaialdian. Laurehun lagunetik gora batu ziren frontoiko harmailetan eta sekulako giroa izan zen.
Soraluzetarrek ere eskatu zuten justizia Altsasuko gazteendako
2018-04-15 12:10 Politika
Iruñeako manifestazioan bat egin zuten milaka herritarren artean soraluzetarrak ere izan ziren, Altsasuko zortzi gazteendako «justizia» eskatzen, eta aldarrikatzen Altsasuko jaietan taberna batean goizaldean gertatutako borroka ez zela terrorismoa izan.
Antzuolaren kontra jokatuko du Sorak gaur, zapatua
2018-04-14 11:32 Kirola
Aste Santuko etenaren ondoren, Soraluze Futbol Taldeak hitzorduz betetako asteburua dauka, gaurtik hasita. Hain justu, 17:00etan jokatuko du partidua gorengo mailako taldeak Ezoziko futbol zelaian, Antzuolaren kontra.
Borrokarako gertu!
2018-04-13 19:49 Kirola
51,200 kilo pisatu ditu Ixa Rodriguez soraluzetarrak biharko boxeo gau-belara begira Batzokian egindako pisaketa-saioan. 50,300 kilo pisatu ditu, berriz, aurkari izango duen Eloisa Rodriguez madrildarrak. Oilar-pisu barruan daude, bada, bi borrokalariak, pisaketa-saioaren lekuko izan diren epaileak eta Gipuzkoako Boxeo Federazioko presidenteak baieztatu duten moduan.
Altsasuko gazteen aldeko manifestaziorako autobusa, ia beteta
2018-04-13 13:33 PolitikaAltsasuko auzian auzipetuta dauden zortzi gazteen familiek manifestazioa deitu dute biharko, zapatua, Iruñean, Justizia. Ez da terrorismoa lelopean. Soraluzetik ere abiatuko da autobusa bertara. Apirilaren 16an hasiko da zortzi gazteen kontrako auzia, Madrilgo Auzitegi Nazionalean. 375 urteko kartzela zigorra eskatzen dute auzipetuendako.
Ilunabarra, laino barik
2018-04-13 11:36 Gizartea
Atzo eguzkiaren bisita izan bagenu ere, gaur atzera ere bertan dugu euria. Bihar arte hementxe segituko duela dio Euskalmetek, zaparradak noizbehinkakoak izango diren arren. Badirudi, bada, oraingoz argazki bitartez gozatu beharko dugula egun eguzkitsu batek mendi-gainean utzitako ilunabarra.
Ikastetxeetako greba bertan behera, oraingoz
2018-04-13 11:09 Hezkuntza
ELA, LAB eta Steilas sindikatuek bertan behera utzi dute apirilaren 23tik 27ra bitartean deituta zuten hezkuntza publikoko irakasleen greba. Datorren asteko eguaztenerako arloko mahai sektoriala deitu du Eusko Jaurlaritzak eta horrek ematen duenak baldintzatuko du sindikatuen etorkizuneko jokabidea.
Hasi dira Kooperatibako aurreko aldea berritzeko lanak
2018-04-13 09:35 Gizartea
Goizean aldamioa ipini eta berehala hasiko dira Kooperatibako aurrekoa aldea berritzeko lanak. Leiho guztiak aldatu, paretak margotu eta sarrerarako ate automatikoa ipiniko dute; baita alderik alde joango den arrapala ere.
Hirukurutzetako biribilguneko lanak amaituta
2018-04-12 15:34 Gizartea
Gipuzkoako Foru Aldundiko ordezkarien eta Soraluzeko Udaleko ordezkarien bisitarekin, amaitutzat eman dituzte Hirukurutzetako biribilgune berriko lanak. Bisita baliatuz, Aintzane Oiarbidek, Bide Azpiegituretako diputatuak jakinarazi du datorren futbol denboraldia hasi aurretik futbol zelairako bidea argiztatuko dutela eta Irure auzoko uren arazoari buruz galdetuta, berriz, adierazi du epaiaren zain daudela.
ESKOLA BIDEA; ESKOLARA MODU AUTONOMO ETA SEGURUAN.
2018-04-12 12:12
Gizartea
Eguraldia dela eta, eskola bideko saioen datek aldaketak jasan dituzte.
Ibaia badator bere onera eta eguraldia ere bai
2018-04-12 09:47 Gizartea
Euria eta ibaia izan ziren atzo, eguaztena, soraluzetarren eta ingurukoen berbetagai nagusietako bat; kezka iturri ere bai, askorendako, hartu zuen maila altuarengatik. 14:00-15:30ak aldera izan zuen udalerrian ibaiak punturik altuena. Hortik aurrera beherako bidea hartzen hasi zen, eta gaur ere bide horretatik segitzen du. Atzoko luiziez aparte, beste txiki batzuk ere izan dira, mendi-bideetan.
Soraluzeko Pilota Elkarteko sei pilotari Debarroko txapelketan
2018-04-11 18:00 Kirola_content.jpg)
Atzo, martitzena, hasi zen aurtengo Debarroko Pilota Txapelketa, Eskoriatzatik Debarainoko pilota elkarteen artean jokatzen dutena. Soraluzeko taldetik sei pilotarik jardungo dute lehian, nagusien mailan: Aitor Atxotegik, Ibai Bolinagak, Iñigo Iruretak, Gorka Santamariak, Ibai Kortabarriak eta Manex Balerdik. Azken lau urteotan, hain justu, Atxotegik irabazi du txapelketa, bikote desberdinekin.
Irureko urak berriz gainezka
2018-04-11 15:23
Gizartea
Azken egunetako eurien ondorioz berriz bere begi bistan geratu da Irureko auzoan uraren kanalizazioaren dauden arazoak. 2011ko azaroan izandako uholdeen ostean, Gipuzkoako Foru Aldundiak konpromezua hartu zuen A8 autobidetik auzoko lurretara jausten ziren uren bideratze lanak egiteko.
"19 amuarrain atera nituen bi orduan"
2018-04-11 12:04 Kirola
Pozik dago Denis Soriano herrikidea Euskadiko Izokinkideen Harrapaketan Euskadiko txapela eskuratu izanagatik. 24 lehiakideren artean eskuratu du berak txapela. Datorren urteko Espainiako txapelketara zuzenean sailkatu da erdietsitakoari esker, eta aurten ere aurkeztuko dela jakinarazi du, “iazko sailkapenari esker”.
Luizia, itoginak eta txabola eta zuhaitz erorketa
2018-04-11 10:28 Gizartea
Erabat bustita zegoen mendia aspalditik eta gaur gainezka egin du azken orduotako euri ugariarekin udalerriko bi puntutan, eta hiru gertakari izan dira: Irure auzorako bidean zuhaitza jausi egin da, Zeletatik mendirako bidean, 100 bat metrora luizia gertatu eta besteak beste, txabola erdi errepidera eraman dute lurrak eta urak eta Gaztelekuan itoginak daude.
Nabarmenak
_admin_thumbnail.jpg)
1-EZOZIKO AMA TERNUAN
2-MOZKORRAREN BILA
3-BERMEOKO SARDINERAK
»» Eman botoa hemen