Irailaren 27an, Patria telesaila aldi berean estreinatuko dute HBO Europan, HBO Hego Amerikan eta Ameriketako Estatu Batuetan. Guztira, 62 herrialdetan.
Iazko martxoan hasi ziren Patria telesaila grabatzen, Soraluzen hasi ere. Are gehiago, telesailaren errodaje gehienak egin ziren herrian. Telesaila Soraluzen grabatu behar zela jakiteak ika-mika eragin zuen, lantzen zuen gaia zela-eta. Kontuak kontu, herriko zein inguruko bizilagun askok parte hartu zuten telesailean estra modura, eta grabazioek irudi gogoangarriak utzi zituzten herrian.
