Jolaserako bada, askoz ere hobe

Ubane Madera 2017ko abe. 1a, 18:11

Hirukotea Karakaten, arratsaldean. Argazkia: Gorka Perez Bruña (Barruko argazkia: Itxaso del Campo).

Asteburu atarian gauden honetan, dagoeneko batek baino gehiagok aprobetxatu du elurra jolasean jarduteko. Herrian edo mendian, elkarri bolak botaz, elurretako panpina eginez, edo bestela. Astebururako aisialdiko plan ugarik ere bide bera segituko dute, lera edo mendiko botak aldean hartuta.

Iluntze parte honetan atertu duen arren, biharko aurreikuspenak gaurkoaren antzerako erretratua dakar. Bihar ere, 200-400 metrotan egingo duela elurra diote adituek, eta iluntze aldera atertuko duela.