Atxilotu barik eta bere kabuz joan da gaur goizean deklaratzera domekako eraso matxista egiteagatik akusatutako gaztea. Segurtasun Sailak esplikatutakoaren arabera, gazteari diligentziak zabaldu zaizkio, inputatu edo ikertu modura. Eta ondorioz, epaiketara joateko zitazioa dute harendako. Aldiz, eskura ezin izan diote eman, ez dutelako lokalizatu. Beraz, badirudi gazteak, egoeraren berri jakin, eta epaiketara bertaratzea erabaki duela.
Guztiek deklaratu dute
Kontuak kontu, 11:00etan hasi da eraso matxistari buruzko epaiketa, Bergarako epaitegian. M.M. herritarrak kontatu duenez, berak eta senarrak deklaratu dute lehenengo, lekuko modura. Eta euren ostean deklaratu du erasoa jasan zuen emakumeak. 14:00ak inguruan irten dira eurak epaitegitik, eta gainontzekoak epaiaren zain geratu dira.