Ordu txikitan etorriko den fronte baten ondorioz, biharko egunerako aurreikuspena da “hodeitsu eta euritsu eutsiko” diola “egun guztian zehar”; hori bai, “batutako euri kopurua” ez dela handia izango dio Borinaga meteorologia-adituak.
Hala ere, eta kontuan hartuta Aspanogiren aldeko jaia egiteko aurreko saiakera ere eguraldi okerraren iragarpenarengatik geratu zela bertan behera, oraingo honetan, euriaz babesteko neurriak hartzea erabaki dute antolatzaileek. Hori horrela, goizeko jolasak elizpera eramango dituzte. Eta Etxaburueta kalea toldoz babestuko dute.
Erromeria berezia
Hala, toldopean egingo dira ekintza nagusiak; haren babesean egingo dute, baita ere, gaueko erromeria. Berezia izango da berau, besteak beste, herritarrek egindakoa eta ibiltaria izango delako. Hortik aurrerakoa sorpresa izan dadin nahi dute antolatzaileek. Onena, duda barik, bertaratzea.