Unai Larreategi (Alkatea): "Behingoz aukera izango dugu estrategikoa den eraldaketa bat abiatzeko Olaldean"

EH Bilduren sei zinegotzien aldeko bozkarekin eta oposizioko bi alderdien abstentzioarekin onartu zituen udalbatzarrak 2025erako aurrekontuak. Udal Gobernuak positiboki baloratu du aurrekontuak onartu izana eta azpimarratu du “modu naturalean” atera dutela, "urtean zehar batzordeetan egindako lanari esker". Alkateak nabarmendu duenez, aurrekontuek "Olaldeako eraldaketa estrategikoa abiatzeko aukera" emango dute.