Makilak eskuan, lurra esnatzera irten ziren Musika Eskolako eta BertSorako ikasleak

Santa Ageda eguna da gaur eta, ohiturak agindu bezala, kantura irten ziren bezperan Musika Eskolako haurrak, BertSora eskolako bertsolariez lagunduta eta trikitilari eta pandero-joleek alaitutako kalejiran. Santa Anatik abiatu ziren eta, udaletxe parean geldiunetxoa eginda, Plaza Zaharreko karpan amaitu zuten, martiriaren ia errepertorio guztiari errepasoa eman ostean: Santa Agedaren bezperea, Zorion (etxe hontako denoi), Santa Ageda-Ageda eta umeen artean jada klasiko bihurtu den Pirritx eta Porrotxen Oles, Oles, lurra esna zaitez.