Hiru egunetan egin duten grebaren balorazioa eginez, Avanza enpresako Langileen Batzordetik azpimarratu dute langileek “argi” utzi dutela ados daudela “komiteak eskatzen duenarekin”. Halaber, adierazi dute “lan baldintza duinak eta segurtasun bermeak jasotzen ez duen hitzarmenik ez dutela onartuko”.
Hori horrela, jakinarazi dute “hurrengo mobilizazioak” prestatzen hasita direla eta ez dutela baztertzen greba mugagabera jotzea, “oraingo honetan ez badute hitzarmen duin bat lortzen, ez dute etsiko beraien eskakizunetan”, diote.
Avanzako Enpresa Batzordea 14 ordezkari sindikalek osatzen dute, 6 ELA, 6 UGT, 1 LAB eta 1 AURRERA. Langileak guztien adostasunarekin ari dira protestak egiten.
