2024-2025 ikasturtean, 18 instrumentu ikasteko aukera izango da Soraluzeko Musika Eskolan: klarinetea, saxofoia, pianoa, gitarra elektrikoa eta gitarra klasikoa, soinua, trikitia, panderoa, txistua, zeharkako txirula, biolina, tronpeta, tronboia, bateria eta perkusioa, baxu elektrikoa, bonbardinoa eta gaita nafarra.
Horrez aparte, musika hizkuntzarekin lotutako ikasgaiak ere badira aukeran, Musika Kantuz, Musika Hizkuntza, Musika Sorkuntza eta Musika eta Mugimendua.
Kalejirak, jaialdiak…
Eta ikasitakoa praktikan jartzeko, konboetan parte zein ikasturtean egiten diren bestelako ekitaldietan parte hartzeko aukera dute ikasleek. Esaterako, laster hasiko dira aurtengo Blues Hotsak jaialdirako saio berezia prestatzen.
Guztira, 12 irakaslek jardungo dute musika eskolan. Haien artean,bi berritasun daude. Batetik, flauta irakasle berria izango da aurten, Arrasateko Susana Taracido. Bestetik, Mikel Arrieta eibartarrak, gitarra elektrikoa ez ezik, gitarra klasikoa ere erakutsiko du.