Atzo iluntzean, eguena, egin zuten sari banaketa Aretxabaletako Arkupe kultur etxean. Bertan izan ziren Gora begira mundu berri bat bideoaren egileetako hiru.
Publikoaren saria irabazi du Soraluzeko gazteen spotak
Publikoaren sariarekin bueltatu dira Euspot lehiaketatik Soraluze BHI Institutuko 4. mailako Garazi Prieto, Julen Calderon, Zaloa Garcia eta Gorka Rascon gazteak. Oso pozik daude Gora begira mundu berri bat izeneko spotak publikoaren aitortza jaso duelako eta noski, baita poltsikoratuko dituzten 500 euroengatik ere. Esan dutenez, emaitza on horrek halako ekimenetan parte hartzeko motibatzen laguntzen dute. Institutuko proiektu baten baitan landu dute spot sariduna eta Nerea Goiria Euskarazko irakasleak animatu zituen gazteak parte hartzera. Bideoan elkarrizketa bost protagonistekin.
