“Barne-hausnarketa egin beharko dugu”

Atzoko hauteskundeen irabazle Unai Larreategi eta EH Bildu zoriondu eta EAJ-PNVren alde bozkatu dutenei eskerrak eman ondoren, Iker Aldazabalek adierazi du “boto galera handia” izan dutela eta “barne hausnarketa” egin beharko dutela horren arrazoiak jakiteko. Gaineratu du azken lau urteotan “buru-belarri lanean ibili” direla eta “herrirako baliabide eta proiektu garrantzitsuak ekarri” dituztela, baina jendeak ez duela hori perzibitu edo ezjakintasuna izan daitekeela. Etorkizunean, berriz, oposizioko lana egitea tokatuko zaiela esan du.