Donostiako mobilizazioa dela eta, Soraluzeko Sarek bi autobus antolatu ditu bertara egun pasa joateko. Bi autobusak goizeko 10:45ean aterako dira Estaziñotik baina bueltarako ordu desberdina izango dute: goiztiarrena arratsaldeko 20:00etan bueltatuko da eta bestea, berriz, 03:00etan, musika jaialdia amaitu eta berehala. Autobusotan izena emateko zerrendak Arrano tabernan daude.
Urriaren 8an Donostiara joateko deia
2022ko urr. 1a, 08:21
Atzo, hileko azken barikua, 45 bat herritar elkartu ziren Plaza Berrian, euskal presoen eskubideak aldarrikatzeko elkarretaratzean. Bertan, gogora ekarri zuten gaur zortzi, urriaren 8an, Donostian egingo duten aldarrikapen-jaia, uztartuko dituena "Etxerako bidea gertu" lelopean manifestazioa eta musika jaialdia Ilunben. Bestalde, martitzenean, arratsaldeko 20:00etan, Sarek Tipularen sehaska kanta filma proiektatuko du antzokian, kartzela eta gaixotasuna lantzen dituena.