Eguaztenean, ordutegi banaketa

Etzi, eguaztena, banatuko dituzte instrumentuei dagozkien eskolen ordutegiak Soraluzeko Musika Eskolan. 18:00etan da hitzordua. Ikasturtea, berriz, irailaren 12an, astelehena, hasiko da.

Eguaztenean, ikasle helduak zein ikasle umeen gurasoak musika eskolara bertaratu eta zuzenean elkartuko dira instrumentuetako irakasleekin.

Soraluzeko Musika Eskolak 18 instrumentu ikasteko aukera eskaintzen du: tronpeta, tronboia, bonbardinoa, klarinetea, saxofoia,  txistua, gaita nafarra, gitarra klasikoa, biolina, biolontxeloa, soinua, trikitia, panderoa, pianoa, flauta, gitarra elektrikoa, baxu elektrikoa eta perkusioa.