Luzatu egin dute musika eskolarako bekak eskatzeko epea

Urriaren 6an, 'Nire Lehen Kontzertua' saioa egin zuten instrumentuko lehen ikasturteko ikasleek.

Soraluzeko Musika Eskolak luzatu egin du bertan ikasteko bekak eskatzeko epea, datorren urriaren 20ra arte, eguaztena. Lau beka eskaini ditu, bi musika tailerretarako eta beste bi abesbatzarako. Musika eskolan ikasi ahal izateko bekak dauden lehen aldia da.

Errenta baxua duten eta Soraluzen erroldatuta dauden familiei zuzendutakoak dira musika eskolako bekak eta %100ean musika eskolak berak finantzatuko ditu.

Bi beka izango dira musika tailerretarako eta beste biak abesbatzarako.

Musika tailerreko bekei dagokienez, Haur Hezkuntzako 5. mailako umeendako dira, 2016an jaiotako umeendako. Abesbatzako bekei dagokienez, berriz, Lehen Hezkuntzako 2. eta 3. mailako haurrentzako bi beka izango dira, 2013an eta 2014an jaiotako umeentzat.

Bekak eskatzeko udaletxeko harrera bulegora jo beharra dago. Lehen aldia da bekak daudela Soraluzeko Musika Eskolan ikasteko. 

Errenta-kopuruak

Honako errenta-mugak daude zehaztuta:

Familia unitateko kideak    Errenta-mugak 

  • 1                                      11.143 euro
  • 2                                      16.350 euro
  • 3                                       20.567 euro
  • 4                                       23.201 euro
  • 5                                       26.232 euro
  • 6                                       29.717 euro
  • 7                                       33.724 euro
  • 8                                       38.333 euro