Musika tailerreko bekei dagokienez, Haur Hezkuntzako 5. mailako umeendako dira, 2016an jaiotako umeendako, hain zuzen. Bi beka emango ditu musika eskolak. Musika tailerrei dagokienez, astelehenetan eta eguaztenetan dira eskolak, 16:45etik 17:30era bitartean.
Abesbatzako bekei dagokienez, berriz, Lehen Hezkuntzako 2. eta 3. mailako haurrentzako bi beka izango dira, 2013an eta 2014an jaiotako umeentzat. Eskolei dagokienez, berriz, eguenetan dira, 17:30etik 18:15era bitartean.
Bekak urriaren 15a baino lehen eskatu behar dira, udaletxeko harrera zerbitzuan. Familiako beka bakarra esleituko da. Bestalde, bekak baino eskaera gehiago baldin badaude, baldintzak bete dituztenen artean zozketa bidez esleituko dira bekak.
Baldintzak
Bekak eskatu ahal izateko dauden baldintzak dira Soraluzen erroldatuta egotea eta errenta baxuko familia izatea.
Honako errenta-mugak daude zehaztuta:
Familia unitateko kideak Errenta-mugak
- 1 11.143 euro
- 2 16.350 euro
- 3 20.567 euro
- 4 23.201 euro
- 5 26.232 euro
- 6 29.717 euro
- 7 33.724 euro
- 8 38.333 euro