Espainiako zein Euskadiko gobernuei begira jarri eta inolako "murrizketarik" onartuko ez dutela azpimarratu dute, "pentsio publiko eta duinak" nahi dituztela "denontzako", zehazki, 1080 eurokoak, eta, oro har, zerbitzu publikoen defentsa egin dute.
Horrekin batera, berretsi dute "pentsiodunen eskubideen alde" borrokan jarraituko dutela, "herriz herri jendea eta indarrak bilduz. Pentsioen gaia ez da gaurko pentsiodunen arazoa bakarrik, gizarte guztiarena baizik".
Ekitaldiaren ondoren, soraluzetarrek eta bizikleta martxako kideek elkarrekin egin dute Kalebarrenetik Plaza Zaharrerainoko ibilbidea, manifestazioan. Gero, Gabolatsetik segitu du martxak, gaur Debara arteko bidea egin dute-eta.